बैशाख १३, सल्यान 
भुकम्प बाट प्रभावित दार्मा गाउँपालिका सल्यानमा निशुल्क स्वास्थ्य शिविर सञ्चालन गरिएको छ । नेपाल रेडक्रस सोसाइटी जिल्ला शाखा सल्यान र दार्मा गाउँपालिकाको समन्वयमा निशुल्क स्वास्थ्य शिविर सञ्चालन गरिएको हो । पालिकाका ६ वटै वडाका नागरिकलाई केन्द्रमा राखेर बिशेषज्ञ सहित निशुल्क स्वास्थ्य शिविर सञ्चालन गरिएको नेपाल रेडक्रस सोसाइटी जिल्ला शाखा सल्यानले जनाएको छ । 
भुकम्प प्रभावित समुदायका नागरिकलाई देखिएको स्वास्थ्य समस्या निराकरण गर्न र स्थानिय स्तरमै सेवा दिने उदेश्यले बिशेषज्ञ डाक्टर सहितको निशुल्क स्वास्थ्य शिविर सञ्चालन गरिएको नेपाल रेडक्रस सोसाइटी जिल्ला शाखा सल्यानका जिल्ला कार्यक्रम संयोजक जगत तामाङले बताउनु भयो  । उहाँका अनुसार शिविरमा ओ पि डी सेवा, भिडियो एक्सरे सेवा, महिला तथा बालबालिका तथा वृद्धहरुको चेक जाँच, उपचार तथा परामर्श सेवा, मनोसामाजिक परामर्श सेवा निशुल्क औषधी वितरण लगायत सेवा दिईने छ । 
रेडक्रस महासंघ आइ एफ आर सिको प्राबिधिक सहयोग र क्यानोडिएनका आर्थिक सहयोगमा सञ्चालन भएको शिविरमा उपचारको लागि रेडक्रसको टोली सहित १७ जना चिकित्सक सहितको टोली खटिएको बताउनु भयो । यस्तै शिविरमा स्त्रीरोग सम्बन्धी पनि सेवा दिइरहेको बताउनु भयो । शिविरको उद्धघाटन गर्दै दार्मा गाउँपालिकाका उपाध्यक्ष जुना मल्ल चन्दले भुकम्प बाट प्रभावित भएका नागरिकका लागि निशुल्क स्वास्थ्य शिविरले धेरै राहात हुने बताउनु भयो । भुकम्प पछि समुदायमा धेरै स्वास्थ्य समस्या देखिएकाले निशुल्क स्वास्थ्य शिविरमा उपस्थित भएर सबैले लाभ लिन आग्रह गर्नुभयो ।
कार्यक्रममा नेपाल रेडक्रस सोसाइटी जिल्ला शाखा सल्यानका सभापती यौवन प्रकाश श्रेष्ठले भुकम्प पिडतको समस्यालाई मध्यनजर गर्दै निशुल्क स्वास्थ्य शिविर सञ्चालन गरेको बताउनु भयो । बिगतका दिनमा पनि रेडक्रसले सहयोग गर्दै आइरहेकाले विपदको समयमा आगामी दिनमा पनि सहयोग गर्ने प्रतिवद्धता जनाउनु भयो । स्वास्थ्य शिविर तिन दिन सम्म चल्ने छ । 
 

सल्यानका २० हजार ६ सय बालबालिकालाई भिटामिन ए’ र जुकाको औषधि खुवाईंदै

बैशाख ६, सल्यान  सल्यानका २० हजार ६ सय बालबालिकालाई भिटामिन ए’ र जुकाको औषधि खुवाईंदै छ । आज र भोलि  सरकारले सञ्चालन गरेको राष्ट्रिय भिटामिन ‘ए’

छत्रेश्वरीमा एकिकृत जनस्वास्थ्य अभियान, ३१२ जना विरामीले सेवा लिए

सल्यान, २७ चैत । सल्यानको छत्रेश्वरी गाउँपालिकामा एकिकृत जनस्वास्थ्य अभियान तथा विशेषज्ञ स्वास्थ्य शिविर सम्पन्न भएको छ । शिविरबाट ३१२ जनाले सेवा

सल्यानमा क्षयरोगीका बिरामी बढ्दै, ३ बर्षमा २६ जनाको मत्यु 

चैत ११, सल्यान  सल्यानमा पछिल्लो समयमा क्षयरोगीका बिरामी बढदै जान थालेका छन । स्वास्थ्य सेवा कार्यालय सल्यानका अनुसार जिल्लामा पछिल्लो समय