चैत ११, सल्यान 
सल्यानमा पछिल्लो समयमा क्षयरोगीका बिरामी बढदै जान थालेका छन । स्वास्थ्य सेवा कार्यालय सल्यानका अनुसार जिल्लामा पछिल्लो समय क्षयरोगीका बिरामी बढदै गएका  हुन । संख्यात्मक आधारमा घटबढ भैरहेको देखिएपनि क्षयरोगीका बिरामी बढदै गैरहेको कार्यालयले जनाएको छ । 
स्वास्थ्य सेवा कार्यलय सल्यानका सुचना अधिकारी थलराज डिसीका अनुसार गएका आर्थिक बर्ष ७७÷७८ मा १ सय ७९ जना क्षयरोगीका बिरामी भेटिएकोमा ७८÷७९ मा २ सय ६१ जना भेटिएका थिए । यस्तै ७९÷८० मा २ सय ४६ जना बिरामी भेटिएकामा आर्थिक बर्ष २०८०÷८१ को साउन देखि पुष मसान्त सम्म १ सय २ जना बिरामी भेटिएको उहाँले बताउनु भयो । 
गएको आर्थिक बर्ष ७७÷७८  देखि आर्थिक बर्ष ८०÷८१ सम्म २६ जना क्षयरोगीका बिरामीको मत्यु भएको बताउनु भयो । ७७÷७८ मा ५ जना, ७८÷७९ ८ जना, ७९÷८० मा ७ जना र ८०÷८१ म ६ जना क्षयरोगीका बिराहीको मृत्यु भएको हो । 
पछिल्लो समय साना उमेर् समुहका बच्चा देखि ६० बर्ष माथिका क्षय रोग देखिएको छ । अहिल महिनामा १० देखि १५ जना सम्म क्षयरोगीका बिरामी उपचारका लागि स्वास्थ्य सस्थामा आउने गरेको सुचना अधिकारी डिसीले बताउनु भयो । 
 क्षयरोगीका बिरामीहरुका लागि जिल्लाका ५४ वटा सस्थाहरुबाट निशुल्क उपचार सेवा दिईरहेको कार्यलयले जनाएको छ । यस्तै क्षयरोगमुक्त अभियानका लागि जिल्लाको कपुरकोट गाउँपालिकामा र शारदा नगरपालिकामा बिभिन्न जनचेतनामुलक कार्यक्रम तथा अभियानहरु सञ्चालन भैरहेका छन । 
खानपानमा ध्यान दिए र समयमै उपचार गरेमा यस बाट बच्न सकिने स्वासथ्य सेवा कार्यलय सल्यानका कार्यलय प्रमुख डा. अर्जुन बुढाले बताउनु भयो । यो रोग श्वासप्रश्वासको माध्यमबाट बढि सर्ने भएकाले सचेत हुनपर्ने उहाँले बताउनु भयो । 
यरोग माइकोब्याक्टेरियम ट्युबरकुलोसिस नामक कीटाणुबाट लाग्ने एक किसिमको सरूवा रोग हो । यो सरुवा रोग भएपनि खाना र यौनजन्य क्रियाकलापबाट सर्दैन ।

क्षयरोग कति तीव्र सर्छ भन्ने कुरा व्यक्तिको रोगप्रतिरोधात्मक क्षमतामा पनि भर पर्छ । रोगसँग लड्ने क्षमता कम भए क्षयरोगको कीटाणुले छिटो आक्रमण गर्छ । कुपोषण, दीर्घरोगी, एचआईभी संक्रमण भएका व्यक्तिमा यो रोग छिटो हुने जोखिम हुन्छ । यसले फोक्सोमा मात्र नभई शरीरको विभिन्न अंगलाई असर पार्न सक्छ ।
क्षयरोगलाई दुई भागमा विभाजन गर्न सकिन्छ । एउटा फोक्सोको क्षयरोग र अर्को फोक्सोबाहेकका अंगमा लाग्ने क्षयरोग । फोक्सोबाहेक ग्रन्थि, आन्द्रा, मस्तिष्क, हाड वा हड्डीको जोर्नी, मुटु, प्रजनन् तथा मूत्र प्रणाली, छाला, आँखा लगायत अंगमा पनि क्षयरोग हुन सक्छ । फोक्सोबाहेकका अंगमा भएको क्षयरोगको निदान तुलनात्मक रुपमा गाह्रो हुन्छ ।
क्षय रोग लागेमा सबैभन्दा पहिले ज्वरो आउने, खोकि लाग्ने, खाना अरुचि हुनु, तौल घट्दै जानु तथा शरीर कमजोर बन्दै जाने गर्छ । क्षय रोग लागेमा कुपोष हुने गर्छ । ‘यसलाई पहिले सुख्खा रोग भनिन्थ्यो । 

यसैबिच बिश्व क्षयरोग दिवसका अवसरमा जिल्ला अस्पतालका बिरामीलाई फलफुल बितरण सँगै क्षयरोग सम्बन्धी जानकारी गराईएको छ । स्वास्थ्य सेवा कार्यलय सल्यानको आयोजनामा हरेक बर्ष २४ मार्चमा मनाईने विश्व क्षयरोग दिवसको अवसरमा अस्पतालमा उपचारमा आएको बिरामीहरुलाई क्षेयरोगका बारेमा जानकारी सँगै फलफुल पनि वितरण गरिएको हो । 
विश्व स्वास्थ्य संगठनका अनुसार नेपालमा हरेक बर्ष ७० हजार क्षयरोगका नयाँ बिरामी थपिने गरेकोमा १८ हजारको मृत्यु हुने गरेको पाईएको छ । 
 

सल्यान अस्पतालका डाक्टरको लापरवाहीले छोरीको मृत्यु भएको भन्दै कारबाहीको माग गर्दै प्रशासनमा निवेदन 

चैत २०,सल्यान  जिल्ला अस्पताल सल्यानमा उपचारका लागि लिएकी ६ महिने छोरीको डाक्टरको लापरवाहीका कारण मृत्यु भएको भन्दै सल्यानकी शान्तीप्रभा पुरीले

सल्यानमा आत्माहत्या रोथाम सम्बन्धी सचेतनामूलक विशेष अभियानको सुरुवात 

फाल्गुन २१, सल्यान सल्यानमा आत्माहत्या रोथाम सम्बन्धी सचेतनामुलक विशेष अभियान कार्यक्रको सुरुवता गरिएको । जिल्ला प्रहरी कार्यलय सल्यान र शारदा

"रेडियो बिपतको साथी" -प्रतीक इच्छुक शर्मा

१ फागुन २०८०, मंगलवार पत्रकारितामा क्रियाशील भएको २१ वर्ष पुगेछ । जसमध्येका १५ वर्ष त रेडियो मै बितेका छन् । रेडियो पत्रकारिताको अनुभव अझ आरम्भका