वैदेशिक रोजगारीका क्रममा क्रोसियामा सवारी दुर्घटनामा परेका सल्यानको कुमाख गाउँपालिका–७ जिमाली तुरतुरे निवासी २५ वर्षीय भुवन विकको निधन भएको छ। निधन भएको २८ दिन बित्दासमेत उनको शव नेपाल ल्याउन नसकिएको परिवारले बताउनुभएको छ।

परिवारका अनुसार भुवनको मृत्यु गत फागुन १ गते (फेब्रुअरी १३) क्रोसियामा भएको हो। उनका दाजु तिलक विकले दुर्घटनापछि करिब एक सातासम्म परिवारले भुवनको अवस्थाबारे जानकारी पाउन नसकेको र त्यसपछि मात्र उनको निधन भएको जानकारी प्राप्त भएको बताउनुभयो।

हाल भुवनको शव क्रोसियाको नोभा ग्राडिस्का जनरल अस्पतालमा राखिएको छ। दाजु तिलक विकका अनुसार वैदेशिक रोजगार बोर्डको सचिवालय बबरमहलबाट गत फागुन १४ गते शव नेपाल ल्याउने प्रक्रिया सुरु गरिएको भए पनि अहिलेसम्म नेपाल ल्याउन सकिएको छैन। यसले परिवारमा थप पीडा भएको उहाँले बताउनुभयो।

यसैबीच प्रतिनिधि सभा सदस्य रमेश कुमार मल्ल ले सामाजिक सञ्जालमार्फत सम्बन्धित निकायको ध्यानाकर्षण गराउनुभएको छ। उहाँले सरकारी तहमा हुने ढिलासुस्ती र झन्झटिला प्रक्रियाले आम नागरिकमा असन्तुष्टि बढेको उल्लेख गर्दै विदेशमा अलपत्र परेको शव यथाशीघ्र नेपाल ल्याउन सरकार, परराष्ट्र मन्त्रालय, अष्ट्रियास्थित नेपाली राजदूतावास भियना तथा वैदेशिक रोजगार बोर्डलगायत सरोकारवाला निकायलाई पहल गर्न आग्रह गर्नुभएको छ।

यस घटनाले वैदेशिक रोजगारीमा रहेका नेपालीको मृत्यु पश्चात् शव स्वदेश ल्याउने प्रक्रियालाई थप छिटो, प्रभावकारी र सहजीकरण गर्नुपर्ने आवश्यकता औँल्याएको छ।
 

समसामयिक राजनीतिक विषयमा छलफल गर्न रास्वपाद्वारा सर्वदलीय बैठक आह्वान

राष्ट्रिय स्वतन्त्र पार्टी (रास्वपा) का सभापति रवि लामिछाने ले समसामयिक राजनीतिक विषयमा छलफल गर्न सर्वदलीय बैठक आह्वान गर्नुभएको छ। रास्वपाका

कर्णालीका मुद्दामा प्रधानमन्त्रीसँग सांसदको ध्यानाकर्षण

कर्णाली प्रदेशबाट प्रतिनिधिसभामा निर्वाचित सांसदहरूले प्रदेशको समग्र विकासका विषयमा प्रधानमन्त्री बालेन्द्र शाहको ध्यानाकर्षण गराएका

नवनियुक्त प्रधानमन्त्री बालेन्द्र शाहसहित १५ मन्त्रीद्वारा शपथ

नवनियुक्त प्रधानमन्त्री बालेन्द्र शाहले पद तथा गोपनीयताको शपथ लिनुभएलगत्तै मन्त्रिपरिषद्का १५ जना सदस्यले पनि शपथ लिनुभएको छ।राष्ट्रपति कार्यालय,